24 Low Investment High Profit Business Ideas In Hindi 2021

Hello Dosto Kya Aap Ek Business Start Karne Ki Soch Rahe Hain Jo Kam Investment Me Shuru Ki Ja Sake, Agar Ha To Bane Rahe Ish Article Me. Aaj Mai Aapko 24 Low Investment High Profit Business Ideas Bataunga. 

Aaj Kal Sabhi Apna Khud Ka Business Start Karna Chahte Hain Par Sahi Business Idea Or Plan Ke Na Hone Ke Kaaran Ye Possible Nahi Ho Pata Hai. 

Lekin Ish Article Ko Padhne Ke Baad Mujhe Puri Umeed Hai Ki Aapko Ek Na Ek Pasandida Low Investment High Profit Business Ideas Mil Jayega. 

Business Shuru Karne Se Pahle Aur Baad Hum Sabhi Ko Bahut Si Problems Hoti Hain Aur Kabhi Kabhi Hame Failure Ka Saamna Bhi Karna Padta Hai. 

24 Low Investment High Profit Business Ideas In Hindi 2021
24 Low Investment High Profit Business Ideas In Hindi 2021 

Lekin Ek Baat Hume Hamesha Yaad Rakhni Chahiye Ki Failures Se Darr Kar Hume Kabhi Bhi Mehnat Or Umeed Karni Nahi Chhorni Chahiye, Balki Aapko Aur Bhi Jyada Hardwork Or Dedication Ke Saath Dubara Kaam Start Karna Chahiye. 

Bahut Se Log Abhi Ye Bhi Soch Rahe Honge Ki Business Ideas Batane Se Pahle Failures Ki Baat Kyu Ho Rahi Hai, To Mai Aapko Bata Du Yaha Par Kayi Aise Bhi Viewer's Hain Jinke Pahle Ki Business Fail Ho Chuki Hain Aur New Low Investment Business Ideas Ki Talaash Me Hain. 

To Aaiye Ab Aapko 24 High Profit Business Ideas Ke Baare Me Batata Hu.

Coffee Shop Business Kaise Shuru Kare 

24 Low Investment High Profit Business Ideas In Hindi 2021 

To Dosto Ye Hai Saare Business Ideas, Aage Mai Aapko In Sabhi Ke Baare Detail Me Bataunga. 

1. Small Fast Food Business 

India Me Fast Food Business Ko Grow Karne Me Jyada Mehnat Or Samay Nahi Lagta Hai. Aap Bhi Ek Small Fast Food Business Start Kar Sakte Hain. Aap Isme Egg Roll, Chaowmin, Manchurian, Chilli Etc Banakar Sell Kar Sakte Hai. 

Ab Mai Aapko Yaha Koi Bada Shop Rent Par Lene Nahi Bol Raha Hu. Aap Ish Business Ko Stall Se Bhi Shuru Kar Sakte Hai Jisme Aapko Jyada Investment Bhi Nahi Karna Padega.  

Agar Aap Chahe To Kisi Banane Wale Ko Rakh Sakte Hain Par Aapko Jyada Profit Nahi Hoga. Kyuki Jis Cook Ko Aap Rakhenge Ushe Bhi Pay Karna Padega Jo Karib 8000 Se 12000 Rupay Le Sakta Hai. 

Juice Shop Business Kaise Shuru Kare 

2. Gift Shop Business 

Ye Bhi Ek Acha Profitable Business Idea Hai Jise Koi Bhi Shuru Kar Sakta Hai. Gift Shop Open Karne Ke Liye Aapko Ek Shop Rent Par Leni Hogi Ya Phir Agar Aapka Khud Ka Shop Hai Wo Bhi Market Me To Isse Achi Baat Kya Hogi. 

Shop Lene Ke Baad Aapko Gift Items Wholesale Market Se Low Rate Me Khridna Hai Aur Kuch Profit Rakh Kar Ushe Sale Kar Dena Hai. 

Jaisa Ki Hum Sabhi Jante Hain Gifts Ki Demand Hamesha Thi Aur Hamesha Rahegi. Ishi Kaaran Yah Business Kabhi Band Bhi Nahi Ho Sakta Hai. 

Wholesale Market Aapko Khud Ke City Me Ya Agal Bagal City Me Mil Jayenge. Aap Wahi Se Saara Gift Items Kharide. Gift Items Me Profit Margin Bahut Hoti. 

10 Online Business Ideas 2021

3. Bag Making Business 

Dosto Bag Bhi Bahut Se Tarah Ke Aate Hain Jaise School Bag, Office Bag, Tiffin Bag Etc. Agar Aap Tailoring Ka Kaam Jante Hain Aur Bag Bana Sakte Hain To Ye Business Aapke Liye Bahut Acha Hai. 

Aap Chahe To Ish Business Ko Apne Ghar Se Bhi Kar Sakte Hai. Bas Pahle Aapko Jagah Jagah Shop Me Jaakar Apne Samples Dikhane Honge. Uske Baad Aapko Acha Order Milega. 

Agar Shop Ke Owner's Aapke Bag Lene Ke Liye Ready Na Ho To Aap Unhe Ek Offer De Sakte Hai. Jaise - Aapko Unhe Bag De Dena Hai Aur Ush Waqt Aapko Paise Nahi Lene Hai. 

Aapko Unko Bolna Hai "Jaise Jaise Mere Diye Hue Bag Sell Hote Jaaye Aap Mujhe Tab Paise De" Aur Ye Offer Shopkeeper Reject Nahi Kar Payega. Ish Business Ne Ek Baar Raftaar Pakarli To Aapko Bahut Fayda Hoga. 

4. Selling Products On Shopping Sites

Agar Aap Kisi Bhi Tarah Ka Products Banana Jante Hai Jaise Artificial Jewellery, Photo Frame, Suits Etc. To Aap Ishe Online Shopping Par Sell Kar Sakte Hai. 

Aisi Bahut Si Site Hai Jaise Amazon, Flipkart, Snapdeal Etc. Agar Aapki Koi Shop Hai To Waha Ki Bhi Samaan Aap In Sites Par Sale Kar Sakte Hai. 

Iska Fayda Aapko Yeh Hoga Ki In Sites Par Pahle Se Hi Kharidne Waalo Ki Kami Nahi Hai Jisse Aapko Customers Bhi Jyada Milenge Aur Profit Bhi Offline Se Jyada Hogi. 

Aur Iski Sabse Achi Baat Ye Hai Ki Yaha Aapko Koi Boundation Nahi Hai. Agar Aap Patna, Mumbai, Delhi, Bangalore Ya Koi Village Me Bhi Rahte Hain To Apne Product Ko Pure India Me Sell Kar Sakte Hai. 

Kirana Store Business Kaise Shuru Kare 

5. Tuition Center At Home

Kya Aap Unme Se Hain Jinhe Padhna Aur Padhana Pasand Hai To Ye Business Aapke Liye Perfect Hai. Aap Ish Field Me Bahut Aage Ja Sakte Hain. Tuition Center Open Karne Ke Liye Aapko Paas Ek Room Jitna Space Hona Jaruri Hai. 

Iske Baad Aapko Kuch Chair, Tables, White Board, Marker Etc Ki Jarurat Padegi. Aap Ish Business Ko Kahi Bhi Shuru Kar Sakte Hai Phir Jahe Wo Ghar Hi Kyu Na Ho. 

Aap Apne Qualification Ke Anusaar Class Le Sakte Hain. Aaj Kal Kayi Aise Boys & Girls Hain Jo Padhne Ke Saath Saath Tuiton Center Me Students Ko Padha Bhi Rahe Hain. 

Ek Aur Baat Mai Aapko Clear Kardu Ish Business Ko Sirf Boys & Girls Hi Nahi, Housewifes Bhi Ish Business Ko Shuru Kar Sakti Hai. Ye Ek Acha Home Based Business Idea Hai. 

6. Dance Class/school

Ye Unlogo Ke Liye Jyada Acha Business Hai Jinhe Dance Me Interest Hai Aur Achi Dance Bhi Kar Lete Hai. Agar Aapko Dance Nahi Aata Hai To Aapko Dance Teacher Karna Hoga. 

Dance Class Ke Liye Aapko 2-3 Room Jitne Space Ki Jarurat Padegi. Agar Aapka Khud Ka Ghar Hai To Ish Business Ko Easily Start Kar Sakte Hai. 

Warna Space Aapko Rent Par Lena Padega. Iske Baad Aapko Ek Music System Ki Bhi Jarurat Padegi. Agar Aap Dance Class Start Karne Ki Soch Rahe Hain To Pahle Apne Area Ke Dance Class Ke Jaakar Waha Ki Facility Dekh Le. 

Waha Kya Hai, Kya Nahi. Kya Jaruri Hai, Kya Jaruri Nahi Hai. Dance Class Start Karne Ke Baad Aapko Promotion Bhi Karna Hai Jisse Jyada Se Jyada Logo Ko Pata Chalega Aur Wo Aapke Dance School Me Admission Lenge. 

7. Canteen Business 

Ish Business Ko Start Karne Ke Liye Aapko Kuch Namkeen Ya Unique Banana Aana Chahiye. Aapne Bhi Kabhi School Ya Collage Ki Canteen Dekhi Hogi. Jis Prakaar Aapko Waha Khaane Ke Samaan Milte Hain Ushi Prakaar Aapko Bhi Apne Canteen Me Rakhne Hai. 

Canteen Start Karne Se Pahle Aapko Kisi School Ya Collage Me Space Lena Padegi. Jiske Liye Waha Ke Owners Ki Permission Leni Hogi. 

Lekin Isse Ek Baat Fix Hai Aapki Earning Bhi Yaha Fix Hi Hogi. Kabhi Thora Kam Aur Kabhi Jyada. Ish Business Ki Sabse Achi Baat Ye Hai Ki Yaha Aapko Customer's Ke Liye Wait Nahi Karna Hoga. 

8. Blogging 

Blogging Dusro Ko Gyan Dene Ke Saath Saath Paise Kamane Ka Acha Jariya Hai. India Aur World Me Aise Kayi Bloggers Hain Jo Blogging Ko Apna Career Chun Chuke Hain. 

Blogging Karne Ke Liye Kisi Bhi Qualification Ki Jarurat Nahi Hai. Bas Aapko Kisi Bhi Topic Par Article Likhna Aana Chahiye. Aap Kisi Bhi Niche Me Blogging Karna Shuru Kar Sakte Hai. 

Log Blogging Se Monthly Ka 10 Lakh Tak Kama Rahe Hain. Par Yaha Tak Pahuchane Ke Liye Aapko Bahut Jyada Mehnat Bhi Karna Padega. 

Bas Aapko Blog Banana Hai, Article Likhna Hai Aur Ishe Publish Karna Hai. Agar Aap Blogging Professionally Le Rahe Hain To Aapko Domain & Hosting Me Lag Bhag 5000 Rupay Invest Karne Honge. 

Catering Service Business Kaise Shuru Kare 

9. Ebook Writing & Selling 

Dosto E-book Kitaab Ka Hi Electronic Version Hai Jise Mobile, Computer Or Laptop Par Padha Ja Sakta Hai. Aise Kayi Log Hai Jo Ebook Likhte Hain Aur Phir Sell Kardete Hai. 

Ebook Me Kuch Bhi Achi Jankari De Sakte Hai. Ye Aap Pe Depend Karta Hai Aap Kya Likhna Pasand Karte Hai. 

Ebooks Sale Karne Ke Liye Kayi Sites Hai Jaise Amazon, Seoclerks, Payhip, Fiverr, Selz Etc. Aap Ebook Me Likhe Hue Content Ke Basic Par Iski Price Rakh Sakte Hai. 

Ya Phir Kisi Instagram Page Ko Apna Ebook Sell Karwane Bol Sakte Hain, Matlab Unhe Sponsorship De Sakte Hai. Iske Badle Wo Aapse Kuch Paise Charge Karenge Par Aapko Sell Bhi Denge.

10. Bakery Shop Business 

Hum Me Sa Kayi Logo Ko Subha Subha Toast Ya Bread Khana Pasand Hota Hai. Agar Aap Biscuits Ya Bread Banana Jante Hai To Ye Ek Acha Long Term Business Idea Ho Sakta Hai. 

Ish Business Ko Koi Bhi Shuru Kar Sakta Hai Bas Ushe Bakery Ka Kaam Aana Chahiye. Ish Business Ki Sabse Achi Baat Ye Ki Agar Aap House Wife Hai To Ish Business Ko Ghar Se Hi Shuru Kar Sakti Hai. 

Jaise Jaise Logo Ko Pata Chalega Wo Khud Aapko Order Deke Jayenge. Agar Aap Ish Field Me Thori Si Jyada Mehnat Kare To Aapka Business Bahut Tezi Se Grow Hoga. 

Order Ke Liye Aap Pempelet Print Karwa Ke Agal Bagal Area Ke Sabhi Gharo Me Batwa De. Iske Saath Saath Aapko Apne Area Ke Sabhi Shopkeepers Se Bhi Contact Karna Hai. Ish Business Me Bhi Bahut Potential Hai Agar Aap Ache Se Kaam Kare To. 

11. Computer & Laptop Repairing 

Ish Business Ko Shuru Karne Ke Liye Aapko Computer Or Laptop Repair Karna Aana Chahiye. Agar Aapko Repairing Karna Nahi Aata Hai To Kisi Repairing Karne Wale Ko Hire Kar Sakte Hai. 

Iske Liye Aapko Ek Shop Ki Bhi Jarurat Padegi Jo Market Me Ya Bhir Bhaar Wale Area Me Ho. Iske Saath Saath Aapko Tools Or Equipments Ki Bhi Jarurat Padegi. 

Aap Apne Area Me Agal Bagal Dekhiye Aapko Ek Bhi Computer & Laptop Repairing Karne Wala Mushkil Se Dikhega. 

Kyuki Bahut Se Log Ish Business Ko Seriously Hi Nahi Lete. Unhe Lagta Hai Isme Kuch Nahi Hone Wala Hai. Par Aisa Nahi Hai. 

Aap Ish Business Ko Start Karke Monthly 50,000 Rupay Tak Easily Kama Sakte Hai Par Work Acha Raha To. 

16 Manufacturing Business Ideas 2021

12. Programming Language Institute 

Agar Aap Programming Jante Hai To Ish Business Aapke Liye Acha Saabit Ho Sakta Hai. Aaj Kal Chote Se Bare Log Programming Language Sikhna Chahte Hai Kyuki Yahi Future Hai. 

Bari Bari Company Bhi Kayi Programmers Ko Hire Karti Hai. Programming Languages Kayi Tarah Ke Hote Hain Jaise C, C++, Java, Python, Html Etc. 

Aap Chahe To Ishe Online Ya Offline Dono Me Se Kisi Bhi Tarike Se Shuru Kar Sakte Hai. Agar Aap Online Programming Languages Sikhana Chahte Hai To Youtube Join Karle. Wahi Offline Ke Liye Aapko Institute Open Karna Hoga. 

13. Youtube Channel 

Aaj Kal To Lag Bhag Sabhi Youtuber Ban Na Chahte Hai Aur Yaha Se Paise Kamana Chahte Hai. Kayi Youtuber's To Monthly Yaha Se 20 Lakh Rupay Tak Kama Rahe Hain. 

Par Aaj Ke Zamane Me Youtube Par Successful Hona Koi Bachho Ka Khel Nahi Hai. Youtube Me Aaj Kal Bahut Jyada Competition Hai. 

Agar Aapka Content Unique Or Best Nahi Hai To Chalna Mushkil Hai. Kyuki Youtube Par Har Minute Kayi Lakh Channels Create Hote Hain Aur Video's Upload Hoti Hai. 

Youtube Channel Koi Bhi Shuru Kar Sakta Hai Aur Ye Bilkul Free Hai. Yaha Successful Hone Ke Liye Aapko Ishe Seriously Lena Hoga Phir Bhi Iski Koi Guarantee Nahi Hai Ki Aap Ek Successful Youtuber Ban Jayenge. 

14. Ladies Gym

Jaha Dekho Waha Ek Gym Hota Hai Par Kya Aapne Kabhi Notice Kiya Hai Lag Bhag Sabhi Jagah Ladies Gym Kami Hai. Ladies Gym Na Ke Barabar Hai. 

Agar Aap 2-3 Lakh Invest Kar Sakte Hain To Ek Ladies Gym Jarur Open Kare. Isse Aapko Acha Monthly Profit Ho Jayega. Jaise Jaise Aapki Gym Grow Karti Jayegi, Aap Iske Brand Open Karte Jaane Hai. 

Gym Open Karne Ke Liye Aapko Ek Bade Space Ki Jarurat Padegi, Jise Aap Rent Par Le Sakte Hai. Iske Alawa Aapko Gym Ke Saare Equipments  Bhi Kharidne Honge. 

Ish Business Ko Bhi Shuru Kar Sakta Hai Khaas Kar Aapko Body Maintain Karna Or Body Building Karna Pasand Hai. Agar Aap Kisi Ko Training De Sakte Hain To Ye Aur Bhi Achi Baat Hai. 

15. Tiffin Service 

India Me Tiffin Service Ki Shuru Se Hi Bahut Demand Rahi Hai Khaas Kar Bade Sahar Me. Agar Aapki Tiffin Service Achi Rahti Hai To Bahut Jaldi Grow Kar Jayegi. 

Agar Aapko Khana Banana Pasand Hai To Ye Business Aapke Liye Aur Bhi Achi Hai Kyuki Ish Business Ko Aap Apne Ghar Se Hi Shuru Kar Sakte Hai. 

Tiffin Service Shuru Karne Se Pahle Aapko Jagah Jagah Iski Advertisement Karni Hogi Banner Or Pempelet Se. Pempelet Aapko Har Ghar Me Dena Hai Khaas Kar Bachelor's Ko. 

Aur Banner Aapko Har Area Me Lagwane Hai. Jaise Jaise Log Aapke Tiffin Service Ko Join Karenge, Waise Waise Aapki Mehnat Or Kamai Dono Badhti Jayegi. 

Mobile Shop Business Kaise Shuru Kare 

16. Tea Stall Business 

Maine Bahut Kam Logo Se Suna Hai Unhe Chai (Tea) Nahi Pasand Hai. Yah Ek Habit Ki Tarah Hai Jo Chahiye To Chahiye. Mai Khud Iska Addict Hu. 

Agar Aap Ek Low Investment Business Ideas Ki Talaash Me Hai To Ye Business Aapke Liye Perfect Hai. Ish Business Ko Aap Bahut Kam Space Me Bhi Shuru Kar Sakte Hai. 

Tea Stall Business Shuru Karne Karne Ke Liye Aapko Ek Choti Space Ki Jarurat Padegi Aur Chai Banane Ke Liye Kuch Jaruri Samaan Ki Jarurat Padegi. 

Chai Ki Business Kabhi Band Nahi Hone Wali Hai Ye Baat Hum Sabhi Jante Hai. Aur Chai Peene Walo Ki India Me Kami Nahi Hai. Agar Aap Me Achi Chai Banane Ka Hunar Hai To Ye Business Jarur Shuru Kare. 

17. Chicken Litti Stall Business 

Ish Business Ke Baare Me Ho Sakta Hai Aapne Bahut Kam Suna Ho Par Bihar Or Uttar Pradesh Me Chicken Litti Bahut Famous Hai. Khaas Kar Bihar Me Iske Bahut Deewane Hai. 

Aap Kisi Bhi City Ya Village Me Rahte Hain Agar Aapne Ye Business Sahi Se Kar Liya To Kaafi Achi Earning Kar Payenge. 

Chicken Litti Business Start Karne Ke Liye Aapko Ek Space Ki Jarurat Padegi Jo Bahut Jyada Bhi Na Ho Aur Na Hi Bahut Kam Ho. 

Iske Baad Aapko Chicken Or Litti Banane Ke Liye Jaruri Samaan Ki Jarurat Padegi Jo Market Aapko Easily Mil Jayegi. Aap Jitna Jyada Acha Bana Payenge, Aapki Sell Bhi Utni Jyada Hogi. Bas Logo Ko Aapke Chicken Litti Ka Taste Pata Chal Jaaye. 

18. Photography Business 

Agar Aapko Photography Karna Pasand Hai To Khud Ka Photo Studio Shop Open Kar Sakte Hai. Par Iske Liye Aapko Achi Photography Karna Aana Bhi Chahiye. 

Agar Aapko Photography Ache Se Nahi Aati Hai To Iske Liye Aapko Training Leni Chahiye. Kyuki Mobile Se Photo Click Karna Aur Dslr Se Photo Click Karna, Dono Me Bahut Farq Hai. 

Studio Open Karne Ke Liye Aapko Ek Shop Rent Par Leni Hogi Aur Jaruri Equipment Bhi Leni Hogi. Iske Saath Saath Aapko Ek Dslr Bhi Kharidna Hoga. 

Agar Aap Shop Open Karna Nahi Chahte Hain To Kisi Event Manager Se Contact Kar Sakte Hai. Wo Aapko Jab Bhi Koi Event Ya Function Hoga To Aapko Bula Lenge. 

19. Vegetables Business 

Ye Ek Home Based Business Idea Hai Jise Aap Apne Ghar Se Hi Shuru Kar Sakte Hain. Sabse Pahle Aapko Bahut Saare Pempelet Print Karwane Hai Aur Agar Bagal Area Ke Ghar Me Baatne Hain. 

Pempelet Me Aapko Home Delivery Ke Saare Details De Deni Hai Aur Aapko Apna Phone Number Bhi Dena Hai. Phir Agar Aapko Vegetables Or Fruit Ke Order Aate Hai Home Delivery Ke To Aapko Saare Vegetables Or Fruits Wholesale Maket Se Low Price Me Khrid Ke Unhe Sell Kar Dena Hai. 

Aaj Kal Sabhi Saaf Or Achi Vegetables Or Fruits Maangte Hai. Aise Me Aap Har Weight Ke Fruits Or Vegetables Pack Kar Ke Unhe De. Jisse Ye Unhe Thora Unique Or Clean Bhi Lagega. 

Phir Jaise Jaise Aapko Order Jyada Aate Jayenge Aapki Earning Bhi Badhti Jayegi. Ish Business Me Bas Aapko Starting Me 500-1000 Rupay Ki Risk Leni Hai, Wo Hai Pempelet Print Karwane Me. Agar Order Aata Hai To Business Turant Start Karle, Warna Na Kare. 

Readymade Garments Business Kaise Shuru Kare 

20. Breakfast Center Business 

Ye Ek Profitable Business Ideas Me Se Ek Hai. Aapne Bahut Se Chowk Chowrahe Par Subha Ke Time Dekha Hoga. Bahut Se Log Breakfast Ka Maja Le Rahe Hain. 

Breakfast Center Me Aap Kachori, Jilebi, Aur Sabzi De Sakte Hai. Jyadatar Log Ishi Food Ka Maja Lena Pasand Karte Hain Subha Ke Samay. 

Ish Business Ko Shuru Karne Ke Liye Aapko Ek Space Rent Par Leni Hogi, Jo Market Hai Ya Bhir Bhaar Wale Area Me Ho. Iske Baad Aapko Breakfast Banane Ke Liye Use Hone Wale Jaruri Samaan Bhi Kharidni Hogi. 

Ish Business Ka Ek Alag Hi Craze Hai Phir Chahe Wo City Ho Ya Village Isse Koi Farq Nahi Padta. Log Bade Chaow Se Ishe Khaate Hai. Agar Ek Baar Aapne Ish Business Ko Jama Liya To Monthly Ache Profit Earn Kar Payenge. 

21. Namkeen Business 

Ish Business Ko Shuru Karne Ka 2 Tarike Hai Pahla Aap Namkeen Banakar Retailers Ko Wholesale Rate Me De Aur Dusra Aap Namkeen Banakar Khud Ke Shop Me Sell Kare. Ye Do Tarike Sahi Hain Agar Aap Ishe Sahi Se Kare To. 

Dono Hi Tarike Me Aapko Achi Profit Hogi. Dono Hi Tarike Me Aapko Ek Space Ki Bhi Jarurat Padegi Jaha Aap Sara Namkeen Banayenge. 

Iske Saath Saath Aapko Namkeen Banane Ke Liye Use Hone Wale Samaano Ko Bhi Kharidna Hoga. Aap Jitna Acha Namkeen Banayenge Aap Ush Hisaab Se Paise Bhi Charge Kar Sakte Hai. Par Starting Me Aap Market Rate Se Kam Me Hi Sell Kare. 

22. Packing Business 

Packing Business Ko Aap Apne Ghar Se Hi Shuru Kar Sakte Hai. Bahut Si Aisi Company Hai Jo Packers Ko Dhundti Hai. Wah Aapko Kayi Tarah Ke Orders Dete Hain Jaise Detergent Packing, Shop Packing, Chocolate Packing Etc. 

Aur Ish Business Ki Sabse Achi Baat Ye Hai Ki Company Aapko Khud Use Hone Wale Saare Samaan Laakar Degi, Aapko Kuch Kharch Nahi Karna Hai. 

Ish Business Ko Jagah Jagah Shop Se Contact Karke Bhi Shuru Kar Sakte Hai. Jaise Kisi Shop Ko Sweets Packing Karwaani Hoti Hai, Kisi Ko Chocolates. 

Iske Saath Aapko Marriage, Events Ke Liye Gift Packing Ka Bhi Order Milega. Jisse Aap Acha Khasa Profit Earn Kar Payenge. Ish Business Me Bhi Bahut Potential Hai Agar Aap Ishe Ache Se Karte Hain To. 

23. Whoesale Egg Shop

Egg Shop Business Shuru Karne Ke Liye Aapko Jyada Investment Nahi Karna Padta Hai, Bas Aapko Ek Shop Rent Par Leni Hogi Jo Market Aur Chahal Pahal Wale Area Me Ho. 

Mera Kahne Ka Matlab Hai Ki Aapko Aise Area Me Shop Lena Hai Jaha Aapke Shop Me Bhir Ho Aur Aapki Sell Badhe. Iske Baad Aapko Unse Egg Buy Karne Hai Jo Aapko Kam Rate Me Egg De. 

Phir Aap Ish Business Ko Easily Start Kar Sakte Hain. Ish Business Me Aapko Furniture Me Bhi Jyada Kharch Nahi Karna Padta Hai. Iske Saath Saath Aapka Customer Bhi Fix Hoga. Kyuki Area Me Koi Aur Wholesale Agg Shop Nahi Hai. 

10 Online Business Ideas 2021

24. South Indian Food Stall

India Ke Har Kone Me Kayi Log South Indian Food Ke Deewane Hote Hain. Mai Khud South India Food Bahut Pasand Karta Hu. Abhi Bhi Ish Business Ko South Ke Alawa Bahut Kam Jagah Dekha Jata Hai. 

Agar Aapke Location Me Koi South Indian Food Sell Nahi Karta Hai To Aapke Liye Ye Bahut Achi Opportunity Hai. 

Bas Aapko South Indian Food Banana Aana Chahiye, Nahi To Aapko Ishe Banane Ke Liye Cook Hire Karna Hoga. Aap Ishe Bina Shop Ke Bhi Shop Kar Sakte Hain Stall Par. Bas Aapko Ek Customize Stall Banwana Hoga. 

Mai Bahut Se Logo Ko Dekhta Hu Wo In Sabhi Business Me Jyada Interest Nahi Dikhate Hai. Par Mera Yakeen Kare Ish Business Se Aap Monthly 25000 Se 40000 Rupay Tak Easily Kama Sakte Hai. 

Aaj Aapne Jana 24 Low Investment High Profit Business Ideas In Hindi 2021 

Dosto Aaj Ki Ish Article Me Maine Aapko Bataya 24 Low Investment Business Ideas With High Profit In Hindi. Umeed Karta Hu Aapko Pasand Aaya Hoga. 

Maine Ish Blog Par Kayi Aise Business Ideas Aapse Share Ki Hai. Agar Aap Ek Housewife Hain, Ek Student Hain Ya Phir Koi Jo Business Start Karne Ki Soch Rahe Hain To Ek Baar Hamare Blog Ko Jarur Checkout Kare. 

Agar Aapko Aaj Ka Article Pasand Aaya To Apne Friends Or Family Ke Saath Jarur Share Kare Taaki Unhe Bhi Ek Se Badhkar Ek Business Ideas Ki Jankari Mile. 

If You Have Any Doubts, Please Let Me Know.

Post a Comment (0)
Previous Post Next Post