Mobile Shop Business Kaise Shuru Kare

Mobile Shop Business Kaise Shuru Kare - Dosto Daily Koi Na Koi Phone Market Me Launch Hoti Hai Aur Hum Jaha Koi Achi Phone Dekh Lete Hain To Kharidne Ki Chahat Hoti Hai Ya Phir Agar Hamara Phone Kharab Ho Jata Hai To Hume New Phone Kharidna Hi Padta Hai. 

Ye Baat To Hum Sabhi Jante Hain Ki Hamare Life Me Phone Ki Importance Kya Hai. Ek Din Bhi Phone Ke Bina Rahna Bahut Muskil Ho Jata Hai. 

To Aise Me Agar Aap Mobile Shop Business Start Karne Ki Soch Rahe Hain To Ye Article Aapke Liye Hai Kyuki Yaha Maine Aapko Mobile Shop Business Kaise Shuru Kare (How To Start Mobile Shop Business In Hindi) Detail Me Batai Hai. 

Mobile Shop Business Kaise Shuru Kare

India Me Karib 40 Crore+ Smartphone Users Hain Jo Din Perte Din Badhte Hi Ja Rahe Hain Aur Ek Report Ke Mutabiq Yah Aakra 2022 Tak 65 Crore + Ho Jayega. 

Ishe Yah Saaf Saaf Pata Chalta Hai Ki Aane Wale Samay Me Bhi Smartphones Ki Kharidi Kam Nahi Aur Jyada Hogi. Aise Me Yah Business Bahut Profitable Ho Sakta Hai. 

To Chaliye Ab Mai Aapko Batata Mobile Shop Kya Hoti Hai, Mobile Shop Business Kaise Kare Aur Isse Related Saari Jankari Mai Aapko Bataunga.

Mobile Shop Kya Hota Hai ?

Mobile Shop Me Aapko Mobile Se Related Saare Problems Ka Solution Mil Jata Hai Jaise Mobile Shop Me Aap New Mobile Kharid Sakte Hai, Mobile Kharab Hone Par Banwa Sakte Hain. 

Aur New Mobile Phone Ya Mobile Se Juri Saari Accessories Aapko Yaha Mil Jaati Hai. Iske Saath Aap Recharge Bhi Karwa Sakte Hain. Ye Sabhi Baate Mujhe Batane Ki Jarurat Nahi Hai Phir Bhi Maine Aapki Suvidha Ke Liye Bata Di Hai. 

Agar Aap Kisi Ache Mobile Shop Me Jaate Hain To Waha Aapko Branded Se Lekar Unbranded Mobile Phones, Earphones, Charger, Tempered Glass, Back Cover Etc Easily Mil Jaate Hain. 

Bahut Saare Aise Bhi Mobile Shops Hote Hain Jaha Cyber Cafe Me Hone Wale Kaam Bhi Hote Hain Jaise Kisi Bhi Exam Ka Admit Card Printout Karna, Results Batana, Forms Bharna Etc. 


Mobile Shop Business Ka Bhavishya - Future Of Mobile Shop Business 

Dosto India Ya Kisi Bhi Country Me Smartphones Ki Demand Bahut Jyada Hai. Iska Andaza Aap Ishi Se Laga Sakte Hain Ki India Pure World Me Dusra Sabse Jyada Smartphones Use Kiya Jaane Wala Country Hai. 

Pahle Number China Aata Hai Kyuki Wo Bhi Ek Bahut Bada Mobile Market Hai. Aur Jaisa Ki Maine Aapko Abhi Uper Bataya Hai India Me 2022 Tak 65 Crore+ Smartphone Users Ho Jayenge. To Isse Aapko Chal Gaya Hoga Mobile Shop Ka Future Aage Kya Hone Wala Hai. 

Waise Bahut Se Log Ye Bhi Soch Rahe Honge Ki Future Me Kya Pata Smartphone Rahe Hi Na. Ji Ha Aisa Ho Sakta Hai Par Jaruri Nahi. Kyuki Bahut Si Badi Badi Company Roj New Smartphones Launch Kar Rahi Hai. 

To Ye Baat To Lag Bhag Sure Hai Ki Phones Hamare Life Se Kahi Nahi Jaane Wali Hai. Ha Ye Ho Sakta Hai Ki Aage Aapko Aur Bhi New Concepts Or New Designs Ke Saath Phones Mile. Jisse Hamare Business Par Koi Farq Nahi Padne Wala. 

Hum Jyada Se Jyada 1-2 Saal Kisi Bhi Phone Ko Use Karte Hain Phir Hum Badhiya Specifications Wali Smartphone Kharid Lete Hain. To Ye Chalta Hi Rahega Aur Company Phones Banati Hi Rahegi.

Mobile Shop Business Kaise Shuru Kare ?

 Mobile Shop Business Shuru Karne Ke Liye Aapko Kisi Bhi Degree Ki Jarurat Nahi Hai. Par Agar Aap Mobile Reparing Bhi Karna Chahte Hai Apne Shop Par Tab Aapko Iski Mobile Repairing Ki Training Leni Hogi.

Nahi To Agar Aap Kisi Staff Ko Rakhte Ho Reparing Ke Liye Apne Shop Me Tab Aapka Jyada Profit Nahi Hoga. 

Believe Me Guys Reparing Se Bhi Aapke Business Ko Bahut Boost Milega. Dekhiye Jaise Agar Koi Apna Mobile Reparing Karwane Aata Hai Aapke Yaha To Kuch Aur Bhi Jarur Khardta Hai. 

Meri Maane To Agar Aap Mobile Shop Business Start Karne Ki Soch Rahe Hain To Pahle Repairing Karna Sikh Le. Nahi To Koi Solutions Nikaale Aur Apna Best Option Select Kare. 

Mobile Shop Business Start Karne Se Pahle Aapko Kuch License Ki Bhi Jarurat Pad Sakti Hai Jise Aap Apne Area Ke Mobile Shops Se Pata Laga Sakte Hain Aur Online Apply Kar Sakte Hain. 

▶ Investment 

Shop Me Hone Wali Investment Ke Baare Me Batane Se Pahle Mai Aapko Ek Baat Batana Chahta Hun Ki Aapko Kabhi Bhi Aadhe Samaan Ke Saath Ye Business Shuru Nahi Karna Hai. Kyuki Yah Koi General Store Nahi Hai. 

Logo Ko Jo Jaruri Samaan Chahiye Wo Aapko Paas Available Hona Chahiye. Khaas Kar Starting Me. 

Baat Kare Investment Ki To Aapko Furniture Me 30k To 40k Tak Lag Sakte Hain. Mobile Ke Saare Accessories Aapko Wholesale Market Me 50k Tak Me Aa Jayenge. Iske Saath Aapko Ek Computer Bhi Lena Padega Jo Aapko 20-25k Tak Mil Jayenge.

Aur Baat Rahi Phones Ki To Wo Bhi Aapo Wholesale Market Me Kam Price Me Mil Jayenge. Phones Ke Rate Aap Pe Depend Karte Hain Ki Aap Kaise Phones Apne Shop Me Sell Karna Chahte Hai. 

Kul Milakar Dekha Jaaye To Mobile Shop Business Start Karne Ke Liye Aapko 2 To 2.5 Lakhs Rupay Tak Lag Sakte Hain. Ab Aap Ye Soch Rahe Honge Itna Jyada Kaise To Mai Aapko Batadu Jab Aap Shop Rent Par Lenge To Waha Bhi Aapko Kuch Advance Dena Hoga. Mobile Shop Bhi Ek Acha Small Scale Business Ideas Me Se Ek Hai. 

▶ Shop Location

Dosto Jab Bhi Mai Koi Business Ideas Batata Hun To Aapko Yeh Jarur Bolta Hun Ki Kisi Bhi Business Ke Liye Uska Location Bahut Matter Karta Hai. Thik Ushi Tarah Ish Business Me Bhi Shop Ki Location Bahut Matter Karti Hai. 

Ache Location Ke Liye Aapko Hamesha Waisi Jagah Chunni Chahiye Jaha Logo Ka Aana Jana Bahut Ho. Jaise Market, Main Road, Shopping Complex, Near Collage & School Etc.

Agar Aapko Location Achi Mil Gayi Hai Par Shop Jyada Badi Nahi Hai Tab Bhi Aap Ushe Le Le. Kyuki Ek Baar Aapko Market Ka Saara Knowledge Ho Gaya, Experience Ho Gaya To Aap Kahi Par Bhi Uska Hi Ek Aur Bada Brand Khol Sakte Hai. 

▶ Furniture 

Ab Aapko Apna Pasandida Shop Mil Chuka Hai. Ab Aapko Furniture Lagwane Hain. Aapko Ek Baat Ka Dhyan Rakhna Hai Ki Furniture Ushi Tarah Lagwaye Jo Customers Ko Shop Ke Baahar Se Hi Ache Tarah Se Saare Samaan Dikh Jaaye. 

Aap Ishe Attractive Banane Ke Liye Glass Furniture Ka Use Kar Sakte Hai Jaise Glass Counter Jisme Aap Saare Accessories Rakh Payenge Aur Logo Ko Saara Samaan Bhi Dikhega Bhi. 

Aur Aapko Kosis Karni Hai Ki Wall Box Bhi Glaas Ka Hi Ho. Taaki Saare Rakhe Hue Accessories Logo Ko Saaf Saaf Dikhai De. Isse Aapke Sell Par Bhi Effect Padega.

▶ Accessories & Mobiles

Ab Aapne Furniture Bhi Lagwa Liya Hai Aur Ab Aapko Mobile Aur Saare Accessories Kharidni Hai. Aap Mobile Accessories Me Earphone, Tempered Glass, Back Cover, Charger, Data Cable, Aux Cable, Bluetooth Speaker & Earphone Etc Rakh Sakte Hai. 

Ek Baat Ka Dhyan Rakhe Ki Ye Saare Accessories Aapko Local Market Se Nahi Kharidne Hain Kyuki Waha Aapko Ye Sabhi Accessories Bahut Mahange Milenge. 

In Sabhi Accessories Ko Kharidne Ke Liye Aapko Wholesale Market Jana Chahiye Jaha Mobile Se Related Saare Accessories Low Rate Me Mil Jaayenge. Starting Me Aapko Sabhi Ke Jyada Variant Nahi Laane Hain. 

Kyuki Abhi Aapko Pata Nahi Hai Aapke Area Ke Market Me Kaise Products Jyada Sell Hote Hain Ya Log Jyada Pasand Karte Hain. Aur Kya Pata Ushi Product Ka Koi Usse Bhi Acha Variant Market Me Aa Jaaye Kuchi Dino Baad. 

Baat Rahi Mobiles Ki To Mai Aapko Batadu Agar Aap Branded Phones Sell Karenge To Aapki Profit Margin Kam Hogi Wahi Unbranded Phones Me Profit Jyada. 

Par Starting Me Aap Kuchi Phones Sell Karne Ke Liye Laaye Wo Bhi Dono Types Ke Branded Bhi Aur Unbranded Bhi. Phir Kuch Month Baad Aap Khud Jaan Jayenge Kaun Sa Phone Lana Hai Aur Kaun Sa Nahi. 

Branded Phones Me Aap Xioami, Samsung, Vivo, Oppo, Realme Etc Ke Phones La Sakte Hain Sell Karne Ke Liye. Ye Sabhi Best Smartphones Brand Hain. Baaki Jo Aapki Marzi.

▶ Mobile Reparing 

Jaisa Ki Maine Aapko Pahle Bhi Bataya Hai Agar Aap Starting Me Khud Se Repairing Karte Hain To Aapki Profit Bahut Jyada Hogi. Baad Me Agar Aap Kisi Mechanic Ko Rakhna Chahe To Rakh Sakte Hain. 

Mobile Reparing Ka Fayda Ye Hai Ki Yaha Se Aapko Permanent Customers Milte Hain Agar Aapka Diya Hua Service Badhiya Hai. Iske Saath Saath Hi Reparing Karane Wale Customers Jyada Tar Kuch Aur Bhi Products Kharidte Hai Jaise Tempered Glass, Back Cover, Earphone Etc. 

Jisse Aapko 2x Fayda Hoga. Agar Maan Lijye Kisi Din Phone Nahi Biki To Repairing To Jarur Hogi. Kisi Din Repairing Nahi Hui To Phone Bikegi. Isse Aapko Kabhi Loss Nahi Hoga. 

• Iske Saath Saath Aapko Sabhi Tarah Ke Recharge Option Bhi Rakhne Hain. Waise To Isme Bahut Kam Fayda Hai Par Recharge Karne Se Customer's Aapke Shop Me Thori Thori Der Me Aate Rahenge. Jisse Unke Kuch Aur Bhi Products Khardne Ke Chances Hai. Aaj Kal Kayi Tarah Ke Recharge Or Service Hote Hain Jaise Dish Recharge, Sim Recharge, Electricity Bill, Gas Bill Etc. 

• Aap Chahe To Xerox Machine Bhi Jarur Rakhe. Jisse Koi Bhi Customer Printout Or Xerox Copy Ke Liye Aapke Shop Se Niraas Na Jaaye. Koi Bhi Acha Wala Printer Aapko 7-10k Rupay Tak Mil Jayega. 

Ye Chote Chote Cheez Bahut Jaruri Hain Jis Par Aapko Bahut Dhyan Dena Hai. Ye Aise Services Hain Jo Customers Ko Aap Tak Pahuchata Hai Aur Wahi Cheez Kisi Bhi Shopkeeper (Dukaandaar) Ko Chahiye. 

▶ Value For Money Products 

Dekhiye Dosto Shop To Koi Bhi Start Kar Leta Hai Aur Products Bechne Lagta Hai Par Customers Wahi Jyada Jaate Hain Jaha Value For Money Products Milte Hain. 

Jaise Aapne Kisi Earphone Ka Rate 200 Rupay Rakha Hai To Uski Quality Bhi Uske Price Ke Hisaab Se Honi Chahiye. Aapne Bhi Kabhi Ye Baat Gaur Ki Koi Shop Me Kisi Ek Product Ki Rate High Hai Par Quality Nahi. 

To Ispar Aapko Sabse Jyada Dhyan Dena Hai. Aap Unhi Products Ko Sell Kare Jo Khud Aapko Lage Ki Ye Ek Acha Product Hai. Aur Agar Aapka Product Badhiya Rahega To Customer Aapko Ache Rate Bhi Dega. 

Profit Kamane Ke Laalach Me Aap Kabhi Kharab Products Sell Na Kare Kyuki Aisa Sirf Ek Hi Baar Hoga, Dubara Nahi. Customers Ko Pata Chal Jayega Yaha Ache Products Nahi Milte Hain. Aapki Impression Kharab Ho Jayegi. 

Sell Kaise Badhaye - How To Boost Sells ?
Phones Ki Sell Boost Karne Ke Liye Aap Poster Ko Shop Ke Bahar Lagwa Sakte Hain Ya Pempelet Print Karke Batwa Sakte Hai. Iske Alawa Aap Special Occasion Jaise Koi Festival Par Offer De Sakte Hain. 

Aur Jaisa Maine Aapko Bataya Tha Recharge Karne Se Aapko Apni Sell Badhane Me Help Hogi. Jab Bhi Koi Recharge Karane Aayega To Wo Aapke Offers Ko Bhi Dekhega. 

Sabhi Jaruri Baat Customer Ko Khush Rakhe Kyuki Agar Customer Khush Rahega To Aap Bhi Khush Rahenge. Iske Liye Aap Achi Service De. Sabhi Products Ka Rate Sahi Rakhe. 

Time To Time Shop Open Kare. Apne Customers Se Acha Relation Banaye Jisse Aapko Fayda Milega. Ishi Kaaran Se Maine Aapko Repairing Bhi Karne Ke Liye Bola Jiska Prabhao Aapke Sells Par Padega. Jo Jo Tarike Ho Sakte The Sell Ko Boost Karne Ke Liye Wo Maine Aapko Bata Diya Hai.

Mobile Shop Se Kitna Profit Hoga ?

Starting Days Me Hone Wali Profit Jyada Nahi Hogi Kyuki Tabhi Aapka Shop New Hoga. Par Jaise Jaise Aapka Shop Purana Hota Jayega Aapki Earning Bhi Badhti Jayegi. 

Yaha Par Maine Kuch Products Ke Profit Margin Bataye Hain Jo Patna City Ke Hain. Profit Har City/state Ki Alag Alag Ho Sakti Hai. 

• Branded Charger : 100-150
• Local Charger : 40-80
• Smartphone : 1500-2000
• Keypad Phone : 500-900
• Earphone : 80-300
• Local Battery : 250-400
• Tempered Glass : 15-70
• Sim : 10-30
• Data Cable : 40-120

To Dosto Ye Thi Kuch Mobile Accessories Ki Rate Jo Bhi Mujhe Pata Thi Maine Bata Di. Agar Aap Koi Extra Kharch Nahi Karte Hain To Monthly 40k To 55k Easily Kama Sakte Hain. 

Jo Ek Acha Amount Hai. Aur Ishi Kaaran Maine Mobile Shop Business Kaise Shuru Kare Aricle Likha Bhi Hai Kyuki Yah Ek Acha Profitable Business Ideas In India Me Se Ek Hai. 

Aaj Aapne Jana Mobile Shop Business Kaise Shuru Kare 

To Dosto Aaj Aapne Jana Mobile Shop Business Kaise Shuru Kare Wahi Kam Investment Me. Umeed Karta Hun Mere Dwara Di Gayi Jankari Aapko Pasand Aayi Hogi. 

Mai Ish Blog Me Ishi Tarah Ke Low Investment Business Ideas Batata Hun. Yaha Aapko Kayi Aur Profitable Business Ideas Hindi Me Mil Jayenge. Agar Aapko Aaj Ka Article Pasand Aaya Hai To Apne Friends Ke Saath Jarur Share Kare. 

If You Have Any Doubts, Please Let Me Know.

Post a Comment (0)
Previous Post Next Post