Cosmetic Shop Business Kaise Shuru Kare

 India Ho Ya Koi Aur Desh Sajna Sawarna Kaha Aur Kise Pasand Nahi. Aaj Kal To Larke Bhi Thori Bahut Cosmetic Products Ka Use Karte Hain. Aise Me Agar Aap Jaan Na Chahte Hai Ki Cosmetic Shop Business Kaise Shuru Kare To Ye Aapke Liye Faydemand Hoga. 

Jaisa Ki Maine Aapko Pahle Bhi Bataya Hai Aur Aapko Bhi Pata Hai India Me Koi Na Koi Festival Ya Event Har Month Hoti Hai. 

Aise Me Log Ache Se Taiyaar Hote Hain, Ache Kapre Pahante Hai, Aur Cosmetic Products Bhi Use Karte Hai. Jiske Kaaran Cosmetics Ki Business Kaafi Tezi Se Grow Kar Rahi Hai. 

Cosmetic Shop Business Ideas In Hindi

Cosmetic Products Ka Aur Bhi Kayi Jagah Use Hota Hai Jaise Agar Kisi Party Me Jana Ho, Kahi Ghumne Jana Ho, Kisi Se Milne Jana Ho Etc. Khaas Kar Mahilaaye Cosmetic Products Jyada Use Karti Hai. 

To Ab Aap Jaan Gaye Honge Cosmetics Ki Demand Kitni Rahti Hai. Isse Saaf Saaf Yah Pata Chalta Hai Cosmetics Shop Business Karna Profitable Hai. To Chaliye Ab Mai Iske Baare Me Aapko Detail Me Batata Hun (Cosmetic Shop Business Ideas In Hindi).

Cosmetic Shop Business Kya Hai ? 

Dekhiye Dosto Bahut Se Log Cosmetic Shop Ka Matlab Nahi Samjhte Hain Ya Nahi Jante Hain. To Unhe Mai Batadu Jaha Makeup Ka Saara Samaan Milta Hai Jaise Foundation, Eyeliner, Comb, Facepack, Facewash Etc Ushe Cosmetic Shop Kahte Hain.

Aap Bhi Kabhi Na Kabhi Cosmetic Shop Jarur Gaye Honge Kisi Cheez Ko Kharidne Ke Liye Jaise Facewash, Scrub Etc. Ye Baat To Sabhi Bolte Hain Ki Kisika Bhi Rang Roop Matter Nahi Karta Hai. 

Par Asal Me Pahli Baar Me Sabhi Rang Roop Dekh Kar Hi Attract Hote Hain Aur Ye Normal Hai. India Ek Bahut Bada Desh Hai Jaha 150 Crore Log Rahte Hai, Yaha Aapko Har Rang Roop Ke Log Mil Jayenge. Jiske Kaaran Bhi Yah Business Bahut Tezi Se Aage Badh Raha Hai Aur Badhta Hi Rahega. 

Packing Business Kaise Shuru Kare 

Cosmetic Shop Business Kaise Shuru Kare ?

Bahut Se Log Cosmetic Products Daily Use Bhi Karte Hain To Aise Me Aapko Pata Hona Chahiye Ki Kaun Sa Product Badhiya Hota Hai Kaun Sa Nahi, Kis Brand Ka Acha Hota Hai, Kiska Nahi. 

Agar Aap Cosmetic Products Ke Baare Me Thora Bhi Nahi Jante Hain To Cosmetic Shop Business Start Karne Se Pahle Iske Baare Ache Se Saari Jankari Praapt Kare. 

▶ Business Plan Ready Kare 

Ye Baat Mai Aapko Har Baar Kahta Hun Ki Kisi Bhi Business Ko Start Karne Se Pahle Aapko Iski Saari Jankari Jaan Leni Chahiye. Jaise Aapne Jo Bhi Location Select Kiya Hai Waha Ki Market Kaisi Hai, Aap Kitna Paisa Laga Sakte Hain Aur Aapke Competition Me Kaun Kaun Hain, Wo Kya Sell Karte Hain, Kitna Me Sell Karte Hain Etc. 

Agar Aap Ye Sabhi Kaam Pahle Karlenge To Baad Me Aapko Jyada Mehnat Nahi Karna Padega. Waise Bhi Jab Hum Koi Business Start Karne Wale Hote Hain To Hamari Excitement Level Bahut High Hoti Hai Aur Ishi Waqt Aapke Dimaag Me Ek Se Badh Kar Ek Ideas Aayenge. 

▶ Shop Ke Liye Sahi Location 

Ye Ek Location Based Business Hai Ishi Kaaran Aapko Ek Acha Location Dhundna Hai Jiski Rent Bahut Jyada Na Ho Aur Aapko Aise Area Me Shop Leni Hain Jaha Bhir Bhaar Jyada Ho, Market Me Ho, City Me Ho Etc.

Ye Aisi Business Hai Jo Puri Tarah Se Location Par Depend Karti Hai Isiliye Aap Cosmetic Shop Ko City Me Hi Kholne Ki Kosis Kare Na Ki Village Me. Kyuki City Me Hi Cosmetic Products Ki Demands Bahut Jyada Hai. 

Location Achi Rahegi To Aapko Iska Aur Bhi Benefits Milega Jaise Koi Samaan Lana Lejana, Aapki Sell Jyada Hogi Etc. Aap Apne Shop Ki Sahi Location Select Karne Ke Liye Evening Me Jagah Jagah Jaakar Waha Ki Market Dekh Sakte Hain, Waha Ki Cosmetic Shops Me Bhid Bhaad Rahti Bhi Hai Ya Nahi. 

▶ Cosmetic Shop Ke Liye Permission 

Dekha Jaaye To Bahut Se Chote Shop Bina Kisike Permission Khole Hue Hote Hain, Aap Bhi Aisa Kar Sakte Hain Par Meri Maane To Aapko Goverment Permission Certificate Le Lena Chahiye. 

Cosmetic Shop Ke Liye Aapko Gst Registration Bhi Karwana Pad Sakta Hai. Aap Sarkari System Udyog Aadhar Me Bhi Register Karwa Sakte Hain. Aap Kisi Bhi Jan Seva Kendra Ki Help Se Apne Shop Ko Register Karwa Sakte Hain. 

▶ Cosmetic Product Kaha Se Kharide

Kisi Bhi Shopkeeper Ke Liye Sabse Muskil Kaam Hota Hai Saste Me Maal Kharidna. Maal Kharidne Ke Kayi Tarike Hain Jaise Kisi Supplier Se, Kisi Company Se Ya Wholesale Market Se. 

Agar Aap Delhi Me Ya Delhi Ke Agal Bagal Sahar Me Rahte Hain To Cosmetic Products Kharidne Ke Liye Aap Delhi Ke Sadar Bazar Ja Sakte Hain. Ye India Ka Sabse Bada Wholesale Market Hai Cosmetic Products Kharidne Ke Liye. 

Yaha Aapko Baaki Sabhi Jagah Se Saste Me Saare Maal Mil Jayenge. Maal Kharidte Waqt Aapko Kuch Baato Ka Dhyan Rakhna Hai Jaise Bahut Se Log Fake Products Bhi Aapko Sell Kar Sakte Hain. Ishi Kaaran Pahli Baar Aap Kisi Experienced Person Ko Apne Saath Le Jaaye. 

Readymade Garments Business Kaise Shuru Kare 

▶ Sahi Supplier Se Contact Kare

Jab Aap Shop Start Kar Lenge To Aapko Ache Supplier Ki Jarurat Padegi Jo Kuch Bhi Product's Ki Jarurat Padne Par Aap Tak Wah Samaan Pahucha De Wo Bhi Sahi Rate Me. 

Supplier Ka Kaam Hi Hota Hai Apne Prodocts Ko Retailers Tak Pahuchana. Aur Sahi Suppliers Ko Khojne Me Aapko Jyada Mehnat Nahi Lagegi Kyuki Wah Aapko Apne Competitors Se Mil Jayenge. Ya Phir Aap Kisi Aise Se Contact Kare Jo Ish Line Me Pahle Se Hai. 

▶ Shop Ke Liye Acha Furniture 

Cosmetic Shop Ko Start Karne Se Pahle Furniture Ka Kaam Karwana Padta Hai. Aise Me Aapko Dhyan Rakhna Hai Ki Furniture Aisi Ho Jisme Saare Samaan Sahi Se Aa Jaaye Wo Bhi Bina Jyada Paise Kharch Kiye. 

Furniture Me Aapko Ek Acha Sa Counter Banwana Hoga Jisme Glass Ho Uper Ki Taraf. Isse Saare Rakhe Hue Products Uper Se Ache Se Dikhenge. 

Iske Alawa Aapko Wall Box Bhi Banwane Honge Jisme Beauty Products Rakhe Jaayenge. Aap Achi Lighting Ke Liye Led Bulbs Ka Use Kar Sakte Hain Jo Aapke Products Par Padte Hin Unhe Aur Bhi Jyada Chamka Denge. Furniture Ka Saara Kaam Karwane Me Aapko 70000 Se 80000 Rupay Lag Sakte Hain. 

▶ Shop Me Lady Staff Rakhe

Cosmetic Shop Me Sabse Jyada Females Aati Hain. Ye Baat To Hum Sabhi Jante Hain Ki Ladies Logo Ko Makeup Karna Kitna Pasand Hota Hai Aur Yaha Unke Makeup Ke Saare Jaruri Samaan Mil Jaate Hain. 

To Aise Me Agar Aap Kisi Lady Staff Ko Apne Shop Me Rakhte Hain To Jyada Acha Rahega. Bahut Si Aisi Bhi Ladies Hoti Hain Jo Gents Se Khul Kar Kuch Bol Nahi Paati Hain, Wo Comfortable Feel Nahi Karti Hain. Aise Me Aap Samajh Gaye Honge Aapko Kya Karna Hai. 

Shop Ki Sell Kaise Badhaye ? 

Dosto Sabse Pahli Baat To Ye Hai Ki Shop Ki Sell Badhane Par Dhyan Dene Se Pahle Aapko Shop Par Jyada Samay Dena Hai. Kisi Bhi Business Ko Grow Karne 4-5 Months Lag Hi Jaate Hai. 

Aur Aapko Bhi Itna Samay Dena Hai. Agar Aap Kisi Field Me Bahut Aage Jana Chahte Hain To Time Ke Prati Aapko Bahut Punctual Rahna Hoga Iske Liye Aap Morning Me Sahi Time Pe Shop Khole. 

Baat Rahi Sell Boost Karne Ki To Aapko Customer's Ke Saath Acha Relation Banana Hai, Aap Unse Ache Se Baat Kare, Customers Ko Dekh Ghabraay Na. Aur Jaisa Ki Maine Aapko Bataya Ek Lady Staff Jarur Rakhe. In Sab Se Aapke Sell Par Bhi Bahut Effect Padega. 

Iske Alawa Aap Kuch Aur Cheezo Par Dhyan De Sakte Hain Jaise Starting Days Me Aap Jyada Profit Kamane Ke Baare Me Na Soche, Thore Kam Rate Products Ko Sell Kare. Jisse Aapki Shop Ke Customers Fixed Ho Jaayenge. Unhe Jab Bhi Koi Cosmetic Products Kharidni Hogi Wo Aapke Shop Par Aa Jayenge. 

Ish Field Me Jo Shopkeeper Ko Sabse Bada Challenge Face Karna Padta Hai Wo Hai Ek Hi Product Ki Bahut Si Variety Rakhna. Jaisa Ki Aapne Bhi Dekha Hoga Koi Facewash Kitne Range Me Aur Kitne Comapany Ka Aata Hai. Ab Customers Ko Koi Aur Brand Chahiye Aur Aapke Paas Koi Aur Brand Hai. 

Aise Me Aapko In Sabhi Baato Par Dhyan Dena Hoga. Aapko Quality Me Bhi Apni Taraf Se Koi Compromise Nahi Karni Hai. Jo Bhi Product's Ki Sell Achi Rahe Ushi Product's Ko Sell Kare Aur Expire Ho Chuki Cosmetic Ya Products Ko Sell Na Kare. 

Note : Aapko Kabhi Bhi Expire Ho Chuke Products Ko Sell Nahi Karna Hai. Expired Products Use Karne Se Kuch Bhi Ho Sakta Hai Aur Iski Puri Jimedaari Aap Par Ayegi. Expired Products Sell Karna Crime Hai. 

16 Manufacturing Business Ideas In Hindi 2021

Cosmetic Shop Me Investment Kitna Hoga ? 

Ab Baat Aati Hai Investment Ki To Ye Totally Aap Pe Depend Karta Hai Aap Kitne Expensive Furniture Lagwa Rahe Hain Aapne Shop Me. Aap Kitna Jyada Kharch Rahe Hain Aapne Shop Par. 

Shop Ki Rent Aapko Area Ke Hisaab Se Deni Hogi, Iske Alawa Aapko Advance Bhi Dena Pad Sakta Hai. Furniture Me Kam Se Kam Aapko 60 Se 70k Rupay Lag Sakte Hain. Aur Saare Products Me Aapko 1 Se 1.5 Lakhs Tak Invest Karna Pad Sakta Hai. 

Seedhi Baat Ye Hai Ki Agar Aap Cosmetic Shop Business Karne Ki Soch Rahe Hain To Kam Se Kam 3 Lakh Invest Karne Ke Liye Ready Rahe. Kyuki Itna Tak To Apko Lagne Hi Waala Hai. 

Cosmetic Shop Se Profit Kitna Hoga ? 

Jaha Tak Mai Janta Hun Cosmetic Products Me Profit Achi Hoti Hai. Par Profit Achi Tab Hogi Jab Aap Ish Business Ko Ache Se Chalaye. Profit Bahut Hadd Tak Aapke Investment Par Bhi Depend Karta Hai. 

Starting Me Aapko Jyada Profit Nahi Hogi, Lekin Samay Ke Saath Saath Aapki Profit Bhi Badhti Jayegi. Waise Branded Products Sell Karne Par 10-15% Margin Hota Hai Jo Thik Hai. 

Wahi Local Products Par 15-50% Tak Margin Hoti Hai Par Quality Ki Koi Guarantee Nahi Hoti Hai. Agar Aap Sahi Se Shop Chalane Lagte Hain To 60000 + Rupay Monthly Earn Kar Sakte Hain. 

Shop Ki Promotion Kare

Ab Aapka Sara Kaam Ho Chuka Hai. Aapne Shop Open Karli Aur Saare Products Bhi Le Aaye. Ab Aapko Iski Promotion Bhi Karni Hai Jisse Logo Ko Pata Chale Ish Area Me New Cosmetic Shop Open Hui Hai. 

Shop Ki Promotion Aap 2 Tarah Se Kar Sakte Hain. Offline Or Online. Offline Promotion Karne Ke Liye Aap Shop Ki Pempelet Print Karwa Ke Baat Sakte Hain. 

Aur Baat Rahi Online Ki To Iske Liye Aap Popular Social Media Platforms Par Account Bana Le Aur Aapne Products Ki Advertisement Kare. Aap Google Maps Pe Bhi Apne Shop Ko List Jarur Kare. Iske Baad Ho Sakta Hai Aapko Online Bhi Order Aane Lage. 

Aaj Aapne Jana Cosmetic Shop Business Kaise Shuru Kare

To Dosto Aaj Aapne Jana Cosmetic Shop Business Kaise Shuru Kare (Cosmetic Shop Business Ideas In Hindi). Jo Ek High Profitable Business Ideas Me Se Ek Hai. Umeed Karta Hun Mere Dwara Di Gayi Jankari Aapko Pasand Aayi Hogi. 

Ish Blog Me Maine Aur Bhi Kayi Aur Business Ideas Aapse Share Ki Hai. To Agar Aap Aur Bhi Creative Business Ideas Ki Talaash Kar Rahe Hain To Hamare Blog Ko Ek Baar Jarur Checkout Kare. 

Agar Aapko Aaj Ka Article Pasand Aaya Hai To Apne Friends Or Family Ke Saath Share Karna Na Bhule. Taaki Unhe Bhi Ek Se Badhkar Ek Business Ideas Ki Jankari Mile. 

If You Have Any Doubts, Please Let Me Know.

Post a Comment (0)
Previous Post Next Post